Մենք

«Սթուդենթս Ավենյու»  ընկերությունը հիմնադրվել է Լոնդոնում և նպատակ ունի մատուցել որակյալ խորհրդատվական ծառայություններ և աջակցություն Միացյալ Թագավորությունում սովորելու պատրաստակամ  ուսանողներին: Այն կապող օղակ է հանդիսանում բրիտանական բուհերի և հայ, ինչպես նաև այլազգի ուսանողների միջև՝ կրթությունը  դարձնելով հասանելի։ Մենք հայտնի ենք նրանով, որ հաջողությամբ օգնում ենք մեծ թվով ուսանողների Միացյալ Թագավորության տարբեր ուսումնական հաստատություններ ընդունվել:

2009 թվականից ի վեր կյանքի ենք կոչել մեր նախաձեռնությունը՝ օգնելու ուսանողներին և ծնողներին գտնել իրենց պահանջներին համապատասխան կրթություն: Ելնելով թե՛ մեր լայնածավալ գիտելիքներից, թե՛ առաջադեմ կրթության ոլորտում զգալի փորձից՝ մենք կօգնենք Ձեզ դիմել Ձեր գիտելիքներին և բյուջեին համապատասխան ուսումնական հաստատություն։ Մենք օգնում ենք դիմել տարբեր տարիքային կրթական հաստատություններ՝  նախադպրոցականից մինչև համալսարանական։

Մեր առաքելությունը
«Սթյուդենթս Ավենյու»-ի հիմնական առաքելությունը շատ պարզ է և հստակ․ ՄԹ-ում բազմաթիվ համալսարանների և քոլեջների հետ համագործակցելով՝ մենք օգնում ենք ուսանողներին ընդունվել առաջատար բուհեր՝  համապատասխանելով տվյալ համալսարանի պահանջներին։ Մենք օգնում ենք նրանց կեցության և աշխատանքի որոնման հարցերում ևս։
«Սթյուդենթս Ավենյու» ընկերությունը տրամադրում է ՄԹ-ում համալսարանների, քոլեջների և վիզաների մասին տեղեկատվություն առաջին ձեռքից: Ուսանողները պատրաստվում են ընդունելության գործընթացին և հարցազրույցներին:
«Սթյուդենթս Ավենյու»-ն  տրամադրում է թարմացված տեղեկույթ  ընդունելության չափանիշների վերաբերյալ:  Առաջարկում ենք ամբողջական ծառայություններ՝ գործընթացի սկզբից մինչև  ավարտը:

Ինչու՞ «Սթյուդենթս Ավենյու»–ի հետ

Միացյալ Թագավորության կրթական համակարգին անծանոթ մարդու համար համապատասխան կրթական հաստատություն գտնելը կարող է անչափ բարդ թվալ։ Ավելին  հարկավոր է նաև հասկանալ ընդունելության պահանջները, ինչպես նաև ծանոթ լինել դիմելու ողջ գործընթացին։ Տարեկան կտրվածքով մեր թիմն այցելում է հարյուրավոր բուհեր ՄԹ-ում և սերտորեն համագործակցում է լավագույն կրթական ներկայացուցիչների հետ՝ ապահովելով լավագույն որակը մեր ուսանողների համար:  Մեզ համար կարևոր են ձեր պահանջներն ու կարիերայի ձգտումները, հետաքրքրությունները և առաջնահերթությունները։ Ուստի մենք պատրաստակամ ենք անցկացնելու մանրամասն քննարկումներ:  Մեզ հետ կարող եք կապ հաստատել Ձեր նախընտրած առցանց հարթակում։  Որակյալ կրթություն ստանալու ճանապարհին միշտ էլ հանդիպում են որոշակի դժվարությունների,  և մենք այստեղ ենք  Ձեզ օգնելու մի շարք հարցերում,  այդ թվում՝

• աջակցություն Միացյալ Թագավորության վիզա ստանալուն,
• խնամակալության ծառայություններ,
• գտնել կացարան ՄԹ-ում,
• բանկային հաշվի բացում ՄԹ-ում:

Մեզ ընտրելու պատճառներն են՝

• ոլորտի ավելի քան 13 տարվա հարուստ փորձ,
• մինչ օրս մեր դիմորդները վիզայի մերժում չունեն,
• հասանելի ենք 24/7,
• անվճար աջակցություն և խորհրդատվություն ձեր ուսման ընթացքում: